මල්ලි

සුකුමල
පා තබා
රැවුදුන් සුරතල්
සිනහා
තවම
මතකයි
මලනුවනි
කාලය ගෙවී යයි
නුඹත්
මමත්
එකම  අම්මගේ
ඇකයේ
විඳි
උණුහුම
මතකද
මගේ
මල්ලියේ
නුඹේ ඔය
අවිහිංසක කම
කොහෙන්
උකහා  ගත්තාදෝ
කියනු
මට
මල්ලියේ
සසර පුරා
බවෙන් බවයේ
නුඹව පතනෙම්
මල්ලියේ
මෙත් බුදු අබියස
එකම
සසුනෙක
මහණදම් පුරා
නිවන් දකිමු
අපි මල්ලියේ

 

අපිට ජීවිතේ පුදුමාකාර මිනිසුන් හමු වෙනවා
මට ලඟදි හම්බ උනා මිතුරියක්
ඇය වරක් ඇගේ මල්ලි ගැන
මට පැවසුවා ඇය තම මලනුවන්ට දක්වපු සෙනෙහස

ටිකක්

වෙනස් කියලා මට දැනුන
ඉතින් ඒ  මිතුරියගේ ඒ හැඟුම් ටික කවියකට හර වන්න මට හිතුනා

 

නිරපේක්ෂ ආදරය

මුළු අහස තලයම

බලන් හිටිය කන්න

වගේ

මුළු

පොලෝ තලයම

බලන් හිටියේ

ගිලින්න වගේ

තනි කම ළඟ පාත

සතුට දුර ඈත

බුදු හාමුදුරුවෝ වත්

නැත

පිහිට වන්නට

ඇසෙන්නේ

කාගේ හඬක්ද

පැමිණ

ඇය මා ලඟට

සිප ගති මගේ

 නළල් තලයම

හිඳුවාගෙන ඇයගේ

උකුලේ

දැනුදු මතකයි වැහුණු

පෙම් රස දාරාව

අම්මේ

මෙතරම් 

  ලොකු   වෙලත්

මම   

තවම 

කිරි දරුවෙක් 

සුබ නව වසරක් වේවා

අවුරුද්ද
රට පුරා
සුබ පැතුම්
වැහි වැහලා 
කුසට  අහරක්
නැතිව
තවත් උන්
කුස ගින්නේ
කුස්සියේ හැලි වලන්
ඔච්චමට හිනාවෙයි
දිරා ගිය රෙදි කැබලි
හිස් අහස දෙස බලයි
යථාර්තය
තිමිරයෙන්
වසාගත්
අපුරුව
කොහාගෙත්
කෙල හිඳිලා
හඬන්නට
පණ නැතිය
වැඩි වෙලා හැම දේම
කොහිද සුබ අවුරුද්ද
එනමුදු ඔබ සැමට
වේවා සුබ අවුරුද්ද

යථාර්තය සිතේ දරාගෙන අවුරුදු සමරමු

ඔබ සැමට සුබ අලුත් අවුරුද්දක් වේවා

අනාවැකිය,,,,,,,,,,,,,,,,,,,,,,,,,,

මගෙන් මිස

එවන්

කෙනෙක්

සමග

එක්වන්නට

නැත නුඹට

දිරියක්

අබැටක්

තරම් වත්

කියූ ඒ අනාවැකිය

අදටත්

හරි

මම දැන්

වල්මත්ව

මගේ කවිය

ලියම්

ප්‍රථම ප්‍රේමයයි බොඳව ගියේ,

දෙවන ප්‍රේමයයි බොඳව ගියේ,

........................................

........................................

.........................................

........................................

මෙම අනුක්‍රමය අනන්තය දක්වා දිවෙයි ,,,,

කඳුළෙහි සතුට

පෝරු මස්තකයෙහි

මගුල් බෙර වැයෙයි

මල බෙර තාලෙට

හද අත්පොඩි තලයි,

පාවඩ මතින් මදුසමය  කරා

ඒ පාවඩ මතින්ම සොහොන කරා

ඇගේ ලොවට වසන්තය

මගේ ලොවට ගිම්හානය

චිතකය දැල් වෙයි

නුබ ගැබ කඳුළැල් සලයි

ඒ කඳුළැල්  ඇයට

මල් වැස්සක් වේවා

ඇරඹුම

ප්‍රවේශය ,,,
අල්ප මාත්‍රික
සත්‍ය  රජයන
අසත්‍ය
කුරිරු
හස්තයට
දන් පින්
දෙවන
සමාජ
මස්තකයේ
සිට
අවසරයි
පිහිනන්නට
උඩුගම්බලා
සයිබර්
අවකාශයේ